Starlink sløkt fyri russum: Færri dronuálop á hermótinum

Russisk dronuálop í Ukraina eru minkað munandi, eftir at Elon Musk og SpaceX sløktu Starlink fyri russiskar herdeildir fyrst í februar.

– Ukraina hevur gagnnýtt hetta við einum serligum átaki at finna útav, hvar russiskar herdeildir eru á frontinum, sigur Bjørn Kallsoy, føroyskur hermaður í Ukraina.

Sambært honum hava russar nú trupult við at samskifta og stýra álopum, og serfrøðingar meta, at dronuálopini á hermótinum eru minkaði við umleið helvt. Hetta hevur givið ukrainskum herdeildum nakað av framgongd sunnarlaga í landinum, hóast russar framvegis trýsta á hermótinum í Eysturukraina, serliga í Luhansk og Donetsk.

Samstundis hevur Ukraina økt síni dronuálop móti russiskum málum, millum annað á oljugoymslur og loftverjuskipanir, fyri at skapa “hol” í verjuni. Russland heldur kortini fram við víðfevndum álopum um náttina móti millum annað orkukervinum í Ukraina, og fleiri býir – eisini partar av Kyiv – hava verið uttan streym og hita.

Hoyr innslag her: