Grønland fær tvey nýggj fólkatingsumboð

Grønland fær tvey nýggj umboð á Christiansborg eftir fólkatingsvalið 24. mars

Tað er greitt, nú Aki-Matilda Høegh-Dam heldur ikki stillar upp til fólkatingsvalið hesa ferð.

Í gjár boðaði hin grønlendska fólkatingskvinnan, Aaja Chemnitz, frá, at hon stillar ikki uppaftur. Hon hevur sitið á fólkatingi í 10 ár.

Aaja Chemnitz

Aki-Matilda Høegh-Dam stillaði upp fyri Siumut til fólkatingsvalið í 2022. Tá fekk hon 33 prosent av øllum atkvøðunum.

Seinni fór fór Aki-Matilda Høegh-Dam upp í flokkin Naleraq. Og hon var vald í landstingið fyri Naleraq fyri einum ári síðani. 

Aaja Chemnitz hevur umboðað flokkin IA í fólkatinginum, og hon situr ikki í landstinginum.