Kallas: USA fremur sundurlyndi og spjaðing í Evropa

USA roynir at skapa sundurlyndi og spjaðing í Evropa og gera ES veikari.

Tað sigur uttanríkisstjórin í ES, Kaja Kallas, í samrøðu við amerikanska miðilin Financial Times.

- Eg haldi, tað er av týdningi, at fólk skilja, at USA týðiliga vil skapa spaðing í Evropa. Teimum dámar ikki ES, sigur hon.

Kaja Kallas sigur, at ES-londini eiga at standa saman móti USA.

- Teimum dámar ikki at vit standa saman, tí tá eru vit javnsett, sigur Kallas.