Livebloggur í sambandi við Trapputingið á Argjahamri her á heimasíðuni

Klokkan 20 í kvøld verður annað Trapputingið í sambandi við løgtingsvalið sent og stroymt beinleiðis í sjónvarpinum og her á heimsíðuni. 

Trapputingið er valsending, ið er ognað veljarunum, har teir sleppa til orðanna at siga sína hugsan um, hvørji mál eiga at raðfestast politiskt komandi fýra árini.

Í kvøld eru tað veljarar í høvuðs- og miðstaðarøkinum, ið sleppa framat, tá sent verður beinleiðis Trapputing av Argjahamri

Trapputingini eru ikki almenn. 

Valevni viðmerkja

Í sambandi við Trapputingini verður eisini ein livebloggur her á heimasíðuni, har valevnir kunnu viðmerkja tað, ið verður ført fram á Trapputinginum. 

Í kvøld eru tað Birgir Nielsen úr Fólkaflokkinnum, Hans Jacob Thomsen úr Javnaðarflokkinum  og Christoffur Gert Nielsen úr Framsókn, ið fáa høvið at viðmerkja Trapputingið á Argjahamri.

Livebloggur kann síggjast her á heimasíðuni frá klokkan 19. 

LES EISINI: Trapputing í Tórshavn: Bústaðir til vanlig fólk

Trapputingið

Trapputingini verða send soleiðis, og tey eru : 

16. mars, í kvøld: Havn, kl. 20.00
18. mars, mikukvøldið: Klaksvík, kl. 19.00
22. mars, sunnukvøldið: Oyrasund, kl. 19.00

Hildin Trapputing

Trapputingið í Salti í Suðuroy

LES EISINI: LIVEBLOGGUR: Valevni viðmerkja Trapputingið í Salti