Atlantsflog stórt hall, hóast ferðafólkatalið setti met

Hóast Atlantic Airways setti met í ferðafólkatali í fjør, hevði felagið 57 milliónir krónur í halli eftir skatt.

Óvæntaðar útreiðslur í sambandi við heildareftirlit av tveimum motorum á flogførunum vóru høvuðsorsøkin til hallið, sigur Atlantsflog, sum hevur havt aðalfund í dag.

Úrslitið í 2024 var góðar 27 milliónir eftir skatt.

Samlaðu inntøkurnar hjá móðurfelagnum hjá Atlantsflogi í fjør vuksu úr 860  milliónum í fyrraárið upp í 879 milliónir í fjør.

Úrslitið áðrenn rentur og avskrivingar var fýra milliónir í halli í 2025 samanborið við 67 milliónir í avlopi í 2024. 

Niels Mortensen, SMS, 16:9

Frítekst tagging: 

Niels Mortensen

SMS

Bjarni Árting Rubeksen

Eftirlit fyrr enn væntað

Atlantsflog sigur, at veitarin av flogmotorum kallaði motorarnar inn til eftirlit nógv fyrr enn væntað. Neyðugt var at leiga flogfør og leggja ferðir um, meðan eftirlitið var.

Niels Mortensen, nevndarrformaður, sigur, at úrslitið í fjør fer ikki at hava ávirkan á framtíðarætlanir hjá felagnum, men tá hugsað verður um, at stórar íløgur skulu gerast í framtíðini, m.a. í nýggj flogfør, er hetta en fíggjarligur smeitur, sigur hann.

Tilsamans flugu 379.000 ferðafólk við flogførunum hjá Atlantic í fjør samanborið við 369.000 árið fyri. 43 prosent vóru útlendsk ferðafólk.

Tyrlan, Atlantic Airways, ferðafólk

Tyrlusáttmálin longdur

10 ára sáttmálin, sum tyrlutænastan hjá Atlantsflogi hevur við landsstýrið um tyrluflúgving og tilbúgving, fór úr gildi um ársskiftið. Hann er longdur eitt ár, og tí skal samraðast um nýggjan langtíðarsáttmála. 

Um flogskúlan, simulatordepilin, sigur Atlantsflog, at felagið væntar, at hann fer at geva íkast til raksturin um fá ár. 

Nevndin í felagnum heldur fram.

Niels Mortensen er formaður, og Kaj Johannesen er næstformaður. Hini í nevndini eru Esther Dahl, Annika Larsen, Jens Eyðstein í Løðu og Tommy Andreasen.