Landsstýrið lænt 900 milliónir at rinda lán aftur

Landsstýrið lænti í gjár 900 mió. kr. við at selja lánsbrøv í Føroyum og uttanlands, skrivar Landsbankin.

Peningurin skal brúkast til at rinda aftur eitt lán, 900 mió. kr., sum fellur til gjaldingar 19. juni.

Nýggja lánið er eitt fýra ára standandi lán, sum fellur til gjaldingar 3. juni 2030. 

Effektiva rentan er 2,892 prosent.

Bíligari renta

Effektiva rentan fyri lánið, sum verður goldið aftur 19. juni, er 3,651 prosent.

Rentan fyri nýggja lánið er tí 0,76 prosentstig minni.

Landsbankin og Nordea Bank fyrireikaðu lánið.

Væl gekst at selja lánsbrøvini.

Eftirspurningurin var nógv størri enn tær 900 milliónir, landið skuldi brúka.