Kanna kjarnorku

Næsta ár skal kannast, um kjarnorka er ein møguleiki í Føroyum.

Í ískoytinum til løgmansrøðuna verður sagt, at í 2027 verður kannað, hvørjar fortreytir eru fyri alternativum orkukeldum, eitt nú kjarnorku. 

Arbeiðið skal lýsa kostnað, trygd, tørv, tøkniligar fortreytir og royndir í øðrum londum.

Har stendur eisini, at veðurlagspolitikkurin skal dagførast.

Kósin hjá grøna orkuskiftinum skal gerast greiðari og ítøkiligari. 

Ferð skal aftur setast á at útbyggja vindorku, sólorku og aðra varandi orku. 

Og arbeitt verður við at tryggja, at húski við lágum inntøkum eisini kunnu vera við í orkuskiftinum. 

Møgulig átøk kunnu fevna um stuðul ella afturbering, sum lætta um íløguna í grønar orkuloysnir.

Og streymnýtslan skal flytast til tíðir, tá nógv grøn orka er tøk, ætlar landsstýrið.