Stórur vandi á ferð, tá nýggjur ruskbilur brast inn í tún á Argjum

Løgreglan kannar, hví ein av nýggju, el-riknu ruskbilunum hjá Tórshavnar kommunu fór á rull og brast inn í eitt tún í Rosságøtu á Argjum. 

Ruskbilurin hevði verið eftir húsarhaldsruski, tá óhappið hendi. 

Lukkutíð var eingin fyri, og talan var bara um materiellan skaða, siga fólk í grannalagnum.

Enn er óvist, hví stóri og tungi ruskbilurin fór á rull, meðan førarin var eftir ruski.

Rosságøta er brøtt, og tað verður hildið, at ruskbilurin, ið vigar fleiri tons, rullaði einar 50 metrar, áðrenn hann fór gjøgnum ein garð og endaði í túninum hjá einum av húsunum niðast í gøtuni. 

Myndir: Sigmar Davidsen

Ruskbilur í túni á Argjum

Ruskbilur í túni á Argjum

Ruskbilur í túni á Argjum

Ruskbilur í túni á Argjum