Øll skulu duga fyrstuhjálp - eisini ítróttafólk

Øll eiga at duga fyrstuhjálp - tað sigur Reyði Krossur - eisini ítróttafólk.

 - Í ár er evni fyrsta hjálp og ítróttur. Tað er viktugt, at øll eru virkin, og meir virkin vit eru, meir skaðar kunnu henda. Hvussu kunnu vit so vera fyrireikað upp á tað og lofta tí á staðnum, segði Jákup av Skarði, samskipari til fyrstuhjálparskeið hjá Reyða Krossi.

Fyrsta hjálp í ítrótti var í miðdeplinum á fyrstuhjálpardegnum um vikuskiftið, men Reyði Krossur bjóðar frálæru til øll ítróttafeløg árið runt.

 - Tað kann vera tann kroppsliga fyrstahjálpin - hvat skalt tú gera, um tú hevur keikt fótin, brotið beinið ella fingið heilasjálvta. Tað kann eisini vera tann sálarliga fyrstahjálpin. Hvussu skulu vit fara um ein persón, sum hevur fingið skaða, men eisini; hvussu skulu vit fara um okkum sjálvi, bæði áðrenn og aftaná, segði Jákup av Skarði.

Grundskeiðið hjá Reyða krossi tekur bert fýra tímar.