Jens: Snara fokusið ímóti Spania-dystinum

Misnýttu kjansirnir fyltu nógv í umrøðuni av tapinum fyri Montenegro, og í landsliðsleguni hevur júst tað eisini verið uppi at venda.

Men fokusið er longu snarað yvir á dystin í annaðkvøld, tá Spania er á skránnið. 

 - Til dagin í gjár handlaði alt um Montenegro-dystin, men vit avsluttaðu hann í gjár orkursvegna, og nú vit møta til morgunvenjing, er bert ein dystur á skránni. Tað er dysturin móti Spania, sigur Jens á Skipagøtu, sum er málverja- og mentalvenjari hjá landsliðnum.

 - Tað hendir næstan av sær sjálvum. Tað er kanska onkur einstakur leikari, sum tú skalt tosa við, sum kanska er eitt sindur harður við seg sjálvan eftir dystin í gjár, men tað gongur eisini yvir, sigur Jens á Skipagøtu.

Føroyar spæla ímóti Spania í annaðkvøld klokkan 19.30. Kringvarpið vísir dystin beinleiðis í sjónvarpinum.