Vit fara eftir sigrinum móti Paraguai

Eftir søguliga sigurin á Spania, eru fleiri longu farin at hyggja at stigatalvuni fyri at vita, hvussu Føroyar kunnu spæla seg víðari á HM-kappingini í Niðurlondum og Týsklandi.

Fleiri roknaði helst við, at triðji dysturin í bólkaspælinum ímóti Paraguai sunnudagin, fór at vera finalan um, hvørt suðuramerikanararnir ella føroyingarnir skulud víðari til miðumfarið í Dortmund.

Tað kann dysturin framvegis gerast, men nú eru nógv fleiri møguleikar, greiðir Mark Lausen-Marcher, sum er ítróttastjóri í Hondbóltssambandinum frá. Sigur ella javnleikur merkja, at Føroyar fara í miðumfarið við tveimum stigum.

Tap kann eisini verða nógv mikið, men um illa vil, kann tað eisini merkja eitt skuffandi farvæl til heimsmeistarakappingina. 

Í innslagnum omanfyri greiðir Mark Lausen-Marcher frá teimum ymsu møguleikunum.