Vera Lynn deyð

Kenda bretska sangkvinnan, Dame Vera Lynn, er deyð, 103 ára gomul. 

Tað boðar familja hennara frá í morgun, sambært BBC.

Vera Lynn var best kend fyri at syngja fyri herdeildum undir seinna seimsbardaga í ymsum londum, eitt nú í India og Burma.

Og millum vælumtóktu sangirnar eru "We'll Meet Again", "The White Cliffs of Dover" og "A Nightingale Sang in Berkeley Square".

Tá hon fylti 100 ár, gav hon út fløguna "Vera Lynn 100" við best umtóktu sangum sínum. Og fløgan gjørdist nummar trý á Topp 10-listanum.