Ætlar at halda fram sum floksformaður

Kim Kielsen, landsstýrisformaður í Grønlandi, hevur nú váttað, at hann ætlar at halda fram sum formaður í flokkinum Siumut.

Hann sigur við blaðið Sermitsiaq, at hann stillar upp til formansvalið 10.juli.

Leingi hevur ivi verið um, um hann fór at stilla upp aftur.

Talan verður um stríðsval, tí tvey onnur í flokkinum hava boðað frá, at tey stilla upp.

Tey eru Erik Jensen og Vivian Motzfeldt, sum er forkvinna í landstinginum.