Nú skulu øll brúka masku á Landssjúkrahúsinum

Landssjúkrahúsið biður nú allar sjúklingar og vitjandi um fyribils at brúka munnbind, tá ið tey koma inn á sjúkrahúsið, skrivar Landssjúkrahúsið á heimasíðuni.

Hetta verður galdandi frá fríggjadegnum 21. august, og umfatar øll, sum hava ørindi á sjúkrahúsinum. Børn undir skúlaaldur eru tó undantikin.

Vitjandi skulu sjálv hava munnbind við. Avgerðin er tikin aftaná, at Farsóttarnevndin í farnu viku mælti til, at fólk brúka munnbind, tá ið tey ferðast í almenna rúminum, har fleiri savnast.