Halda fram at viðgera fíggjarlógina

Løgtingið heldur fram at viðgera fíggjarlógina nú klokkan tíggju.

Fyrsta viðgerðin heldur fram.

Hon byrjaði í gjár klokkan tíggju og vardi til klokkan trý korter til sjey í gjárkvøldið. 

Tá fyrsta viðgerð er liðug, fer uppskotið hjá landsstýrinum í Fíggjarnevndina.

Sambært tingskipanini skal álitið koma frá Fíggjarnevndini í seinasta lagi tveir mánaðir eftir, at nevndin fekk uppskotið.

Løgtingsformaðurin kann tó leingja hesa frestina eftir áheitan frá nevndarformanninum.