Javni biður um 350.000 kr. aftrat

Javni hevur biðið um fleiri pengar frá landinum.

Í skrivi, sum Fíggjarnevndin hjá løgtinginum fekk í gjár, biður Javni um størri játtan. Stuðulin í ár er 550.000 kr. Javni biður um 350.000 kr. afturat næsta ár.

Orsøkin er, at Javni ikki fær pengar úr nøkrum koronuhjálparpakka. 

Og útlit eru fyri, at inntøkan hjá felagnum verður 300.000 til 400.000 kr. minni í ár, enn hon annars hevði verið.

Selja álmanakkan í handlum

Millum annað verður eingin durasøla í ár. Álmanakkin hjá Javna hevur øll árini verið seldur í durasølu.

Álmanakkin gav 576.000 kr. í fjør.

Álmannakkin verður tó seldur í ár, í handlunum hjá Á og Samkeypi, og á heimasíðuni hjá Javna.

Men Javni væntar, at í ár gevur álmanakkin neyvan meira enn 200.000 kr. í vinningi.