Magn ikki til sølu - hóast alt

Fyri einari viku síðani frættist annars, at orkufelagð, Magn, skuldi seljast, men nú avsannar Skeljungur tíðindi um, at Magn skal seljast.

– Tíðindini um, at dótturfelagið hjá Skeljungur, P/f Magn, er í holt við at verða selt, eru ikki sonn.

Tað segði íslendska oljufelagið í stuttari fráboðan í gjár, sum heimasíðan hjá Morgunblaðnum endurgevur. Skeljungur avsannar eisini, at felagið er í holt við at umskipa seg.

Men í einari samrøðu við vinnublaðið hjá Morgunblaðnum fyrr í januar segði Jón Ásgeir Jóhannesson, nevndarformaðurin í Skeljungur, at ein søla av dótturfelagnum í Føroyum var ein møguleiki.