Effo stovnað felag í Danmark

Effo hevur stovnað felag í Hirtshals, sum skal selja skipum olju. Effo hevur keypt tangabilar og goymslu- og kontórbygning til endamálið.

Og arbeiðið í Danmark er longu byrjað. Effo hevur veitt skipum olju og oljuúrdráttir, sigur Janus Thomsen, stjóri í Effo.

Felagið hjá Effo í Hirtshals er stovnað undir navninum Carl Jensen’s Marinelager, sum gavst í fjør. Fólk á staðnum hava sett pengar í nýggja felagið.