Suðurafrika gevst at brúka AstraZeneca

Suðurafrika gevst við at brúka koppingarevnið frá heilvágsfyritøkuni AstraZeneca, skrivar Reuters.

- Suðurafrika brúkar ikki koppingarevnið aftur, fyrr enn granskarar geva okkum ráð um, hvussu vit skulu halda fram, sigur Zweli Mkhize, heilsumálaráðharri í Suðurafrika.

Fyribilsúrslit í einari kanning benda á, at koppingarevnið verjir ikki nóg væl fyri suðurafrikanska virusfrábrigdinum av covid-19.

Koppingarevnið eigur at geva fulla verju fyri deyða og álvarsliga sjúku orsakað av frábrigdinum.

Menna nýggjan variant

AstraZeneca segði leygardagin, at koppingarevnið verjir ikki fyri mildari sjúku av suðurafrikanska frábrigdinum, men verjir fyri álvarsliga sjúku.

Nú sigur Sarah Gilbert, sum hevur ment koppingarevnið, at heilivágsfyritøkan arbeiðir við nýggjum varianti av koppingarevninum, og at tað fer at veita fulla verju fyri koronufrábrigdinum úr Suðurafrika.

- Eftir øllum at døma verður tað klárt í heyst, segði Sarah Gilbert við BBC.