Betri Banki 90,5 mió. kr. í avlopi

Betri Banki hevði 90,5 mió. kr. í avlopi í fjør. Úrslitið fyri skatt var 110,3 mió. kr.

Fíggjarstøða bankans javnvigar við 10,1 milliard krónum. Útlán bankans eru 6,4 milliardir krónur, og innlánini vóru 8,1 milliard krónur. 

Koronufarsóttin hevur havt lítla ávirkan á uppsparingarmynstrið hjá føroyingum, sigur Betri í tíðindaskrivi.

Føroysku húsarhaldini spardu umleið 600 mió. kr. upp í føroysku peningastovnunum í fjør. 

Serliga realkredittlán

Serliga sæst, at fleiri føroyingar velja realkredittlán sum fíggingarmøguleika, har møguleiki eisini er við fastari rentu. Vøksturin var lutfalsliga stórur í 2020. Hetta lánislagið vaks nærum 15 prosent, ella umleið 200 mió. kr., skrivar Betri. 

Bankin hevur sett umleið 60 mió. kr. av móti møguligari ávirkan, sum koronufarsóttin kann hava við sær.

Samanumtikið verður tó mett, at færri váðar eru at síggja í ár enn 2020, sigur Betri Banki.