SAS flýgur seks dagar um vikuna frá 28. juni

Í juni verður flogið mánadag, fríggjadag og sunnudag millum Danmark og Føroyar, sambært skipanini, har ferðaseðlar verða keyptir.

Frá 28. juni flýgur skandinaviska flogfelagið, SAS, til og úr Føroyum allar dagar í vikuni uttan leygardag, sambært bíleggingarskipanini.

SAS gavst at flúgva til Føroya 1. oktober í fjør, tá ferðafólkatalið minkaði, og SAS eisini skuldi krevja gjald frá ferðafólki fyri koronukanningar.