- Tíðindi, mentan og ítróttur
Strangasta revsingin er hálvt annað ára fongsul
Strangasta revsingin er hálvt annað ára fongsul
Dómar er nú sagdir í málunum um hóttanir, avnoyðing av peningi og frælsistøku
Føroya rættur hevur alla vikuna viðgjørt rættarmálið móti teimum, sum hava verið ákærdur fyri hóttanir, avnoyðing av peningi og frælsistøku.
10.12.2021 - 14:53
Tann eini av teimum ákærdi fekk hálvt annað ára fongsulsrevsing, tveir fingu eitt ár í part, ein fekk sjey mánaðar fongsulsrevsing, og tann síðsti fekk túsund krónur í bót.
Teir eru eisini dømdir at rinda 57.000 krónur í endurgjaldi til órættaða.
Skeyt dómin inn fyri hægri rætt
Danin fekk fongsulsrevsing í eitt ár. Verjin hjá honum avgjørdi alt fyri eitt at skjóta dómin inn fyri hægri rætt. Verjarnir hjá onkrum av hinum ákærdu søgdu, at teir fara at umhugsa, um dómurin skal skjótast inn fyri hægri rætt.
Ákærin hevði annars kravt harðari revsing - úr átta mánaðum upp í hálvt fjórða ára fongsulsrevsing.
Ákæruvaldið umhugsar skjóta dómin inn fyri hægri rætt, men fer fyrst at nærlesa dómin.
Er kopiera
Nýggjastu sendingar í ÚV
Nýggjastu sendingar í SV
