Fyrstu ukrainsku flóttafólkini eru nú komin til Danmarkar

Fyrstu ukrainsku flóttafólkini eru nú komin til Danmarkar.

Tað boðar útlendinga- og integratiónsmálaráðið frá á Twitter.

Summi av flóttafólkunum hava fingið innivist hjá familju, men ráðið veit ikki at siga í løtuni, um tey avvarðandi hava søkt um uppihaldsloyvi í Danmark.

Ráðið skrivar, at ukrainskir borgarar kunnu koma til Danmarkar uttan innferðarloyvi, og at tað ikki er krav um skráseting. Tí ber ikki til at siga, júst hvussu nógv flóttafólk talan er um, men tað verður økt um plássið, um tað verður neyðugt.

"Hurðin hjá Danmark stendur opin fyri flóttafólkum. Vit standa klár at veita hjálp. Tøkar sengur eru í friðskjólsskipanini, um tað verður neyðugt, og vit eru til reiðar at økja um plássið, um tørvur verður á tí," sigur útlendinga- og integratiónmálasráðharrin Mattias Tesfaye.