Páll Klettskarð longt sáttmálan

Páll Klettskarð og KÍ hava gjørt nýggjan sáttmála, sum er galdandi til 2024. 

32 ára gamli framherjin, sum hevur verið flúgvandi higartil í ár, hevur skotið níggju mál fyri oddaliðið og er toppskjútti í Betri-deildini.

Hann er júst kosin til besta spælara í bestu mansdeildini í apríl, har hann skeyt ikki færri enn seks mál. 

 - Liðið er somikið gott, at eg komi altíð í tær røttu støðurnar sum áleypari, og tá tú skorar, verður tú ofta settur í miðdepilin, segði Páll Klettskarð við 3-2 eftir sigurin á HB sunnudagin.