Mærsk fær nýggjan forstjóra á nýggjárinum

A. P. Møller Mærsk skal hava nýggjan forstjóra.

Mærsk boðar í dag keypsskálanum í Keypmannahavn frá, at Vincent Clerc tekur við ovastu leiðsluni tann 1. januar. Hann avloysir Søren Skou, sum hevur verið forstjóri síðani 2016.

Talan er um eina nátúrliga útskifting, skrivar TV2. Søren Skou hevur verið í Mærsk síðani í 80-árunum, og hann vil sleppa at gevast.

Nýggi stjórin, Vincent Clerc, hevur starvast hjá Mærsk í 25 ár. Seinastu tíðina sum stjóri fyri Ocean & Logistics-deildini.

Tað gongur væl hjá stóra danska altjóða reiðarínum. Í 2021 var úrslitið 18 milliardir dollarar. Hetta svarar til, at Mærsk hevði eitt avlop upp á eina milliard krónur triðja hvønn dag.