Liðskiparin úr Danmark til Svøríki

Ásla Johannesen fer úr AGF til Piteå IF í bestu svensku fótbóltsdeildini. 

Liðskiparin á føroyska landsliðnum hevur gjørt eitt ára avtalu við svenska liðið, sum endaði á 7. plássi farna kappingarár.

 - Eg síggi tað sum eitt fet upp at koma til svensku kappingina, sigur 26 ára gamli bakkurin við heimasíðuna hjá felagnum.

Ásla Johannesen hevur spælt uttanlands í fimm ár. Fyrst í FC Nordsjælland, har hon var við til at vinna steypakappingina og síðan í AGF.