Rættarlæknaráðið kolldømir faklig tilmæli úr Føroyum

Peter Hummelgaard, løgmálaráðharri, fær ikki svarað Sjúrði Skaale, fólkatingsmanni, hví danska rættarlæknaráðið so at siga hvørja ferð hevur kolldømt faklig tilmæli úr Føroyum um at døma fólk, sum eru mett at vera serliga vandamikil, í forvaring.

Peter Hummelgaard sigur, at hann fær ikki svarað, tí so noyðist hann at spyrja rættarlæknaráðið, og tað kann hann ikki sambært teimum reglum, sum eru galdandi fyri spurningar av tí slagnum, sum Sjúrður Skaale setti.

Rættarlæknaráðið í Danmark, Rættarlæknaráðið

(Mynd: Ritzau Scanpix)

Annars sigur Peter Hummelgaard, at danska stjórnin virkar fyri, at øki, sum danir hava ábyrgdina av í Føroyum, eru á sama stigi, sum tey eru á í Danmark. 

Men leggjast skal tó upp fyri serligum føroyskum viðuskiftum og muninum millum Danmark og Føroyar.