Starvsfólk í jarnbreytarvinnuni í Grikkalandi farin í verkfall

Fólk, ið starvast í tok- og jarnbreytavinnuni í Grikkalandi, eru farin í verkfall í eitt samdøgur

Tað skrivar grikski miðilin, Kathimerini.

Tað hendir eftir tokvanlukkuna týskvøldið nærindis Tempi miðskeiðis í Grikkalandi. AP-tíðindastovan skrivar, at 43 fólk lótu lív, og uppaftur fleiri fingu skaða.

352 fólk vóru í ferðafólkatokinum, tá ið tað við nógvari ferð rendi á eitt farmatok.

Tokvanlukka í Grikkalandi

Tokvanlukkan í Grikkalandi í gjár kravdi 46 mannalív. (Mynd: Ritzau Scanpix)

Fakfelagið hjá teimum, sum starvast í tok- og jarnbreytarvinnuna, skrivar í eini fráboðan, at tann vanvirðing, sum allar stjórnir í landinum hava fyri griksku jarnbreytunum, var orsøkin til vanlukkuna.

- Tíverri eru okkara krøv um at hava fólk í føstum starvi, betri útbúgvingar og fram um alt meira nýmótans trygdartøkni øll endað í ruskspannini, skrivar felagið.

Síðani vanlukkuna hevur samferðsluráðharrin í griksku stjórnini lagt frá sær, og ein støðstjóri á eini jarnbreytarstøð er handtikin.

Forsætisráðharrin í Grikkalandi hevur sagt, at orsøkin til vanlukkuna var "eitt syrgiligt menniskjaligt mistak"