- Tíðindi, mentan og ítróttur
Helgi aftur føroyameistari
Helgi aftur føroyameistari
Helgi Dam Ziska úr Havnar Telvingarfelag er aftur føroyameistari í talvi fyri einstaklingar
![](https://kvf.fo/sites/default/files/styles/grein-ovasta-mynd/public/helgi_dam_ziska_0.png?itok=45LoeyJx)
Helgi Dam Ziska, føroyameistari.
07.04.2023 - 16:41
Helgi Dam Ziska úr Havnar Telvingarfelag er aftur føroyameistari í talvi fyri einstaklingar.
Tað gjørdist greitt fyri løtu síðani, tá ið Helgi vann á Eyðuni Nolsøe úr Klaksvíkar Talvfelag í sjeynda og seinasta umfari í FM-kappingini. Helgi vann hetta seinasta talvið í stórum stíli.
Og Helgi hevur vunnið FM-heitið 2023 í stórum stíli. Hann fekk 7½ stig av átta møguligum. Hetta er samstundis sætta FM-heitið hjá føroyska stórmeistaranum.
Enn er bara liðugt á nøkrum borðum á Finsen, har kappingin gongur, men tað er longu greitt, sama hvussu úrslitini fella, at brøðurnir Høgni Egilstoft Nielsen og Rógvi Egilstoft úr Sandavágs Talvfelag, verða ávikavist nummar tvey og trý í landsliðsbólkinum.
Nýggjastu sendingar í ÚV
Nýggjastu sendingar í SV