Føroya Tele skiftir nú frá Huawei til Ericsson

Nú skiftir Føroya Tele frá Huawei til Ericsson.

Tað verður sunnudagin 20. august.  

Skiftið fer fram í stigum, og roynt verður at skipa so fyri, at kundarnir verða ávirkaðir minst møguligt. Landið verður býtt í økir, sum eitt í senn skifta frá gomlu tøknini til nýggju tøknina.

5G er næsta stigið. Í fyrstu atløgu er bara talan um eitt tøkniligt skifti, men um miðjan oktober verða 5G og aðrir nýggir hentleikar ætlandi at finna á nýggja farnetinum, sigur Føroya Tele.