Lønarlyftið skal ikki kosta kommununum

Skattalógin skal broytast, so lønarlyftið ikki kostar kommununum nakað.

Landið ætlar at brúka 47 mió. kr. til at geva námsfrøðingum, námsfrøðihjálparum, hjálparfólki, heilsurøktarum og heilsuhjálparum meira í løn á nýggjárinum.

Flestu teirra, sum fáa lønarlyft, arbeiða hjá kommununum.

Landið átekur sær skattafrádráttin

Fyri at kommunurnar skulu sleppa undan útreiðslunum, tekur landið á seg allan skattafrádrátt hjá pensjónistum.

Sum nú er, er frádrátturin 3.000 kr. í landsskattinum og 3.000 kr. í kommunuskattinum.

Skattalógin skal broytast, so allar 6.000 krónurnar vera í landsskattinum.

8.700 pensjónistar eru, so landið missir 26 mió.kr. næsta ár, og tað ger kommunurnar skaðaleysar, sigur landsstýrið.

35 mió. kr.

Lønarlyftið kostar kommununum 35 mió. kr., men tær fáa 20 prosent í skatti av øllum lønarlyftinum.

Framrokningar vísa, at í 2030 vera umleið 9.600 pensjónistar.

Tá fer frádrátturin at kosta landskassanum slakar 58 mió.kr.