Síðsta freist at koma við uppskotum til Ítróttafagnaðin

Í februar skulu tey bestu í føroyskum ítrótti heiðrast á Ítróttafagnaðinum hjá ÍSF.

Stórur spenningur er um Ítróttanavnið 2023, tí sjáldan munnu Føroyar hava havt so nógv einstøk ítróttafólk á høgum stigi.

Fleiri aðrir heiðrar vera latnir. Ítróttastjørnuskotið, ítróttafelagskapurin, ítróttavenjarin, ítróttaeldsálin og ítróttasólstrálan skulu øll veljast, og harafturat verður heiðurskjal Poul E. Petersen verður eisini latið fyri drúgva og trúgva tænastu í føroyskum ítrótti.

Freistin at koma við uppskotum til ymsu heiðrarnar er fríggjadagin á midnátt, og tað kann gerast á isf.fo. 

Ítróttafagnaðurin 2023 er 10. februar og verður vístur beinleiðis á Ras1 hjá Televarpinum.