Kunngerð komin um ókeypis sálarhjálp

Kunngerðin, sum ásetur ókeypis sálarfrøðihjálp til fólk millum 15 og 25 ár, sum hava angist ella lætt til moderat tunglyndi, er komin.

Hon kemur í gildi 1.januar.

Heilsutrygd veitir fult ískoyti til viðgerð hjá privatstarvandi sálarfrøðingi til í mesta lagi 12 viðgerðir.

Ávísingin frá kommunulækna er bara galdandi, um sálarfrøðingurin fær hana í seinasta lagi tríggjar mánaðir eftir, at hon var útflýggjað.

Í einari royndarverkætlan um ókeypis sálarfrøðihjálp var aldursmarkið 35 ár.

Men tann skipanin gjørdist nógv dýrari enn ætlað, so hon heldur ikki fram.

Landsstýrið hevur sett av 3,4 milliónir krónur í fíggjarlógini fyri 2024 til ókeypis sálarfrøðihjálp.