Ísrael broytir framferðarhátt, men kríggið heldur fram

Ísrael hevur sambært Reuters tikið stríðsvognar úr Gasa býi og boðað frá, at ætlanir eru um at broyta framferðarhátt í krígnum og skerja talið á hermonnum í Gasageiranum.

- Ein broyting er á veg í ísraelska álopsstríðnum, men tað hevur ikki við sær, at kríggið endar, sigur Allan Sørensen, tíðindamaður hjá Kristelig Dagblad í Miðeystri:

Sambært heilsumyndugleikunum í Gasa, har Hamas hevur valdið, hava 207 palestinar latið lív í ísrelskum álopum seinasta samdøgrið, og 338 eru særdir.

Tað skrivar NTB.

Fleiri enn  22.000 palestinar eru deyðir Gasageiranum,  síðani Hamas leyp á Ísrael 7. oktober.

85 prosent av fólkinum í Gasa eru rikin frá húsi og heimi.

2,3 milliónir fólk búgva í Gasageiranum.