Lukasjenko lívlangt órin

Forsetin í Hvítarusslandi, Alexandr Lukasjenko, hevur skrivað undir nýggja lóg, sum gevur sær lívlangt órin ímóti at verða rættarsøktur.

Tað skriva nógvir altjóða miðlar.

Lógin er eisini galdandi fyri allar fyrrverandi forsetar og skyldfólk teirra. Men lógin er í roynd og veru bara viðkomandi fyri 69 ára gamla Lukasjenko, sum hevur havt valdið í Hvítarusslandi í sløk 30 ár.

Nýggja lógin sigur eisini, at bara ríkisborgarar, sum hava búð í Hvítarusslandi í minsta lagi 20 ár, og ikki hava havt uppihaldsloyvi uttanlands, hava rætt til at bjóða seg fram sum forsetavalevni.

Eftir ætlan verður forsetaval aftur í Hvítarusslandi í 2025.