Boeing lovar fult gjøgnumskygni

Forstjórin á amerikonsku flogverksmiðjuni Boeing, Dave Calhoun, lovar fullkomið gjøgnumskygni í sambandi við kanningarnar, sum eru settar í verk fyri at fáa staðfest, hví hol kom á skrokkin á Boeing 737 Max 9-flogfarinum hjá Alaska Airlines, stutt eftir at tað var farið á flog fríggjadagin. 

Calhoun segði á fundi við starvsfólkini, at talan er um eitt mistak hjá flogverksmiðjuni. 

Forstjórin segði, at hann hevur fult álit á úrslitinum hjá trygdarflutningsnevndini, Tansportation Security Committe, sum í løtuni kannar málið.

Boeing 737 Max 9 og hurð

Hurðin við neyðdyrnar á flogfarinum var funnin í einum garði. (Mynd: Reuters/Ritzau Scanpix)

Eitt lás, sum stongir neyðdyr, loysnaði, soleiðis at stórt hol kom í Max-skrokkin.

Trygdarnevndin sigur, at hurðin stóð ikki rætt í. 

Amerikanski flogferðslumyndugleikin hevur tí givið 171 flogførum forboð at flúgva.