Sitandi varaforeseti í Teivan vann forsetavalið

Hann tekur við eftir floksfelagan og fyrrverandi forsetan Tsai Ing-wen, sum leggur frá sær eftir tvey valskeið sum forseti. Báðir koma teir úr flokkinum DPP, sum arbeiðir fyri at gera Taiwan leyst av Kina.

Eftir at úrslitið varð greitt, boðaði stjórnin í í Kina frá, at hon fer at steðga øllum royndum hjá Taiwan at gerast sjálvstøðugt.

- Taiwan er partur av Kina, eru greiðu boðini frá kinesisku stjórnini ídag.

Í nýggjársrøðu síni herfyri segði kinesiski forsetin, Xi Jinping, at einasta gongda leið er at sameina Taiwan við Kina. Nývaldi forsetin, Lai Ching-te, lovar hinvegin at verja Taiwan fyri hóttanum úr Kina. 

Altjóða eygleiðarar meta, at úrslitið av forsetavalinum kann ávirka herða spentu støðuna millum Taiwan og Kina.