Russland sendir hermenn til finska markið

Russiski forsetin, Vladirmir Putin, sigur í samrøðu við russiska ríkismiðilin RIA, at hann fer at senda hermenn og hernaðarútgerð til markið millum Russland og Finnland.

Hetta, sigur hann, tí at Finnland er vorðið limur í Nato, skrivar Ritzau. 

Vladimir Putin sigur eisini í samrøðuni, at tað gevur onga meining, at Svøríki og Finnland nú eru limir í Nato.

- Hetta er eitt stig, sum ikki gevur meining, tá tað ræður um egna trygd og áhugamál, sigur Putin við RIA. 

- Fyrr høvdu vit ikki hermenn við markið, men tað fara vit nú at hava, leggur hann aftrat. 

Finnland fekk limaskap í Nato 4. apríl í fjør, og Svøríki gjørdist limur í farnu viku.