Føroyska svartkjaftakvotan verður 543.000 tons í ár

Føroyska kvotan av svartkjafti verður umleið 543.000 tons í ár.

Í fjør fiskaðu føroysk skip umleið 401.000 tons av svartkjafti

Hóast samráðingar hava verið, fekst eingin semja um svartkjaftin í ár. 

Dennis Holm

Dennis Holm, landsstýrismaður, hevur verið í samráði í uttanlandsnevndini. (Savnsmynd)

Dennis Holm, landsstýrismaður í fiskivinnumálum, hevur tí verið í samráð í uttanlandsnevndini. Sum skilst ætlar landsstýrismaðurin at fylgja tilmælinum frá ICES, at føroyska kvotan verður 35 prosent av mest loyvdu veiðu, sum svarar til umleið 543.000 tons av svartkjafti.

Ein fyribils kvota var útskrivað upp á umleið 400.000 tons av svartkjafti, og av teimum fóru næstan 100.000 tons í umbýti í fiskiveiðiavtalum við Russland og Grønland. 

Nøkur av føroysku skipunum hava fiskað næstan alla sína svartkjaftakvotu. Nú fáa tey umleið 140.000 tons at býta ímillum sín aftrat.