Landsstýrismaðurin: Ein tvílæraraskipan í fólkaskúlanum er á veg

Tá Føroya lærarafelag hevði aðalfund, kunngjørdi Djóni Nolsøe Joense, landsstýrismaður í barna- og útbúgvingarmálum, at ein tvílæraraskipan í fólkaskúlanum er á veg.

Hann segði, at hann vil í minsta lagi víðka tvílæraraskipanina upp til sætta flokk.

Tvílæraraskipanin verður í flokkum, sum hava fleiri enn 12 næmingar, segði landsstýrismaðurin.

Djóni Nolsøe Joensen segði seg eisini vilja styrkja tvílæraraskipanina við at menna samlæring. 

Samlæring verður stuðlað

Ein verkætlan um samlæring verður stuðlað komandi skúlaár.

Ein skúli verður royndarskúli.

Lærarar skulu saman leggja til rættis undirvísingina, útinna og eftirmeta hana.

Skúlaárið 2026-2027 koma styttri skúladagar, endurskoðað tímabýti og lærugreinabýti og tvílæraraskipan og flokslæraraskipan vera raðfestar, segði Djóni Nolsøe Joensen.