Íslendingar rindaðu 121 milliónir í veiðigjaldi fyrsta ársfjórðing

Veiðigjøldini hjá íslendsku fiskivinnuni vóru 121,5 mió. kr. í okkara pengum í fyrsta ársfjórðingi í ár.

Hetta er slakur triðingur meira enn í fyrsta ársfjórðingi í fjør.

Tað er, tá lodnan er undantikin. Eingin lodna er fiskað í ár.

Í fjør gav hon 89,5 milliónir í veiðigjaldi.

Gjøldini hækkað

Onkrar broytingar komu á nýggjárinum.

Veiðigjaldið fyri tosk hækkaði 39 prosent. Fyri hýsu hækkaði gjaldið 12 prosent. Svartkjaftur hækkaði 29 prosent.

Reiðaríið Sam­herji bleiv kravt eftir størsta veiðigjaldinum, 10,6 milliónum krónum í fyrsta ársfjórðingi.

Átta reiðarí skuldu lata yvir fimm milliónir í veiðigjaldi í fyrsta ársfjórðingi.