Dart: Kasta um norðurlendska meistaraheitið

Føroyska datlandsliðið er farið til Íslands at kappast um norðurlendsku meistaraheitini. 

Hetta er aðru ferð, at Føroyar eru við í Nordic Cup í nýggjari tíð. Fyri tveimum árum síðan var føroyska landsliðið við í kappingini í Svøríki, tá Jan McIntosh og Uni Árting fingu bronsu í tvímansleiki.

Tvey lið við fýra monnum í hvørjum umboða Føroyar. Ætlanin var at hava eitt lið við kvinnum eisini, men skaðar og avboð gjørdu, at liðið varð tikið úr kappingini, skrivar Dartsamband Føroya.

Norðurlendskir meistarar í einmansleiki, tvímansleiki, liðkapping umframt ein samlaður vinnari fyri alla kappingina skulu finnast næstu dagarnar. 

Sambært Dartsambandinum er Svøríki favorittur til kappingina.