Ísrael: Hótta at slíta samgonguna, um vápnahvíld verður

Tveir høgravíðgongdir ráðharrar í Ísrael hótta nú við at fara úr Knesset og harvið slíta samgonguna, um Benjamin Netanyahu, forsætisráðharri, tekur undir við vápnahvíldini við Gaza. Tað var amerikanski forsetin, Joe Biden, sum legði uppskotið um vápnahvíld fram fríggjadagin.

Bezalel Smotrich, fíggjarmálaráðharri, og Itamar Ben-Gvir, trygdarráðharri, hava sagt, at teir eru ímóti avtalum um vápnahvíld, fyrr enn Hamas er burturbeint.

Andstøðuleiðarin, Yair Lapid, hevur hinvegin lovað at stuðla stjórnini, um Netanyahu ger av at  taka undir við ætlanini um vápnahvíld.

Forsetin sjálvur heldur fast við, at talan verður ikki um nakra varðandi vápnahvíld við Gaza, fyrr enn herurin hjá Hamas og møguleikarnir hjá bólkinum at stýra Gaza eru burturbeindir - og at allir gíslar eru latnir leysir.

Tað skrivar bretska kringvarpið.