Bardella fer at standa á odda fyri høgraveinginum í ES-tinginum

Jordan Bardell, sum er formaður í Tjóðskaparliga savningarflokkinum, RN, í Fraklandi, verður leiðari í bólkinum av flokkum, nevndur 'Patriotar fyri Evropa,' í ES-tinginum.

Tað siga franskir og italskir ES-politikarar við tíðindastovuna AFP.

Viktor Orban, forsætisráðharri í Ungarn, og flokkur hansara Fidesz tóku stig til av savna flokkar á høgravonginum í ein bólk.

Tjóðskaparligi savningarflokkurin RN og italska Lega siga, at teir eru við í bólkinum, men týski Alternativ fur Deutschland, AfD, er ikki við. 

Bardella fer nú hugsavna seg um ES-tingið, eftir miseydnaðu royndina hjá honum at gerast forsætisráðharri í Fraklandi.

'Patriotar fyri Evropa' er, sum støðan er nú, triðstørsti bólkur í ES-tinginum.