11 ár og seks mánaða fongsul fyri morð

Ein 54 ára gamal dani, Henrik Krogh Rasmussen, er dømdur 11 ár og seks mánaðir fongsulsrevsing fyri at hava dripið 23 ára gomlu Hanne With í Danmark. 

Drápið var framt í eini íbúð gamlaárskvøld í 1990, - tvs. fyri 34 árum síðani.

Unga kvinnan var kvald og stungin við knívi. 

Sambært serfrøðingum, vóru bæði DNA og fótafar frá manninum funnin í íbúðini. 

Henrik Krogh Rasmussen

Henrik Krogh Rasmussen noktar seg sekan, og hevur biðið um tíð at umhugsa dómin. (Tekning: Jesper Andkjær/Ritzau Scanpix)

Maðurin noktar seg sekan í drápinum, men sigur, at hann hevði "black out" gamlaárskvøld, og minnist tí ikki, um hann drap Hanne With. 

Í grundgevingini fyri dóminum, staðfestir dómarin, at DNA frá manninum er funnið á buksunum hjá kvinnuni, og fótfar hjá honum í køkinum í íbúðini. Dómarin staðfestir, at tað er prógvað, at maðurin var í íbúðini á gerningsdegnum.

Dømdi maðurin hevur biðið um tíð at umhugsa dómin, skrivar DR.