Tvøroyrar býráð: Burturkast fer at kosta nógv meira

Nýggja kunngerðin um burturkast fer at kosta Tvøroyar kommunu nógv meira, enn kommunan brúkar nú til burturkast.

Býráðið viðgjørdi málið í gjár. Tað hevur fingið uppskotið um kunngerð til hoyringar. 

Tað samtykti, at kemur kunngerðin í gildi, eigur fígging frá landinum at fylgja við.

Býráðið er ónøgt við, at herd krøv vera løgd á kommununa, uttan at lagt verður upp fyri, at kommunan kann økja um burturkastmóttøkuna. 

IRF ger móttøkustøð

IRF ger felags móttøkustøð fyri alla oynna í Trøllavík.

Tvøroyar býráð mælir til, at burturkastkunngerðin ikki kemur í gildi fyrr enn hendan móttøkustøðin tekur móti burturkasti.

Reglurnar í uppskotinum um kunngerðina skulu koma í gildi so líðandi. 

Tær fyrstu 1. januar 2025. 

Nakrar koma 1. januar 2026, og tær síðstu koma 1. januar 2030.