Føroya Tele: Trupulleikarnir við 5G-netinum eru byrjunartrupulleikar

"Talan er um byrjunartrupulleikar," sigur Kristian Davidsen, stjóri á Føroya Tele, nú nýggja 5G-netið roynist illa. 

Tað var miðskeiðis í apríl mánaða, at 5G netið varð tendrað. Tá varð lovað, at nýggja farnetið frá Ericsson fór at geva størri kapasitet, hægri ferð og betri ljóðgóðsku. Men nú, tríggjar mánaðir seinni, enn eru eingir batar at hóma.

Tvørturímóti, elvir nýggja tøknin til trupulleikar, sum eitt nú Kringvar Føroya stríðist við í samband við at senda beinleiðis frá kapprórinum. So illa roynist netið, at KVF hevur vrakað 5G-netið til dekningin á ólavsøku, ásannar Dánjal Tavsen, leiðandi framleiða í Kringvarpi Føroya. 

Kristian Davidsen, stjóri í Føroya Tele, lovar batar, og at nýggja 5G-netið bara skal stillast betur inn, so verður alt betri.