Bjóða nú frálæru í føroyskum til vaksin, ið hava føroyskt sum annaðmál

Tríggir miðnámsskúlar boða nú frá, at vaksin, sum hava føroyskt sum annaðmál, kunnu fáa undirvísing í føroyskum.

Undirvísingin byrjar í september.

Skúlarnir eru Miðnám á Kambsdali, Miðnám í Suðuroynni og Glasir.

Skúlarnir fara fyrsta dagin at kunngera, nær undirvísingin byrjar.

Lóg tryggjar øllum frálæru í føroyskum

Løgtingið samtykti í vár eina lóg um føroyskt sum annaðmál.

Lógin skal tryggja øllum í Føroyum yvir fólkaskúlaaldur, sum ikki hava føroyskt sum fyrsta mál, atgongd til undirvísing og útbúgving í føroyskum. 

Undirvísingarstýrið saman við góðkendum skúlum skal samskipa undirvísingina, sigur Barna- og útbúgvingarmálaráðið.