Aðalorðaskifti um harðskap í parløgum og nærsambondum

Fyrsta aðalorðaskiftið í hesi tingsetuni verður týsdagin 3. september.

Tá fer løgtingið at hava aðalorðaskifti um heildarætlanina um harðskap í parløgum og nærsambondum, sum er fyri tíðarskeiðið 2023 til 2028.

Sirið Stenberg, landsstýriskvinna í almanna- og mentamálum leggur frágreiðingina fyri løgtingið á næsta tingfundi, sum verður 29. august. 

Heildarætlanin er tó ikki heilt nýggj. Hon varð handað landsstýriskvinnuni 28. august í fjør. 

Í heildarætlanini um harðskap í parlagi og nærsambondum 2023-2028 eru 20 átøk, sum byggja víðari á royndirnar frá fyrru heildarverkætlanum á økinum, á royndir úr virkseminum í Kvinnuhúsinum og á royndir frá arbeiði við harðskapi uttanlands.

Heili fýra landsstýrisfólk - umframt ein politiskur fylgibólkur og embætisfólk - vóru partur av hesi heildarætlan, sum also var liðug fyri einum ári síðani og nú verður løgd fyri løgtingið til aðalorðaskifti.