Ríðing: Silja vann FM-tvídystin

Silja G. Eystberg og Óðin vunnu FM-finaluna í tvísporið á Alberg Lútzen á Braga, tá ársins seinasta kapping var í Vágum leygardagin.

Kappingin í tvíspori hevur verið sera jøvn í ár, og seinasti riðilin var eisini finala um føroyameistaraheitið. Silja G. Eystberg og Óðin fóru avstað við gullinum bert 10 hundraðpartar frammanfyri Alberg Lútzen og Braga.

Hetta er fyrstu ferð, at unga havnarkvinnan vinnur FM.

Hon var kortini ikki skjótast á degnum, tí hon og Óðin endaðu við triðbestu tíðini. Ásu Bárðardóttir og Silfá vunnu kappingina nærum hálvt sekund skjótari enn føroyameistarin. Halllur Hansen og Grani endaðu á 2. plássi.

Silja G. Eystberg vann eisini FM í tølt. Tað gjørdi hon á hestinum Tango.